La intención de estas líneas es la de compartir nuestros avatares, como podréis comprobar de la manera más desenfadada posible, por los caminos y sin ningún ánimo más allá del mero placer de dar a conocer nuestras vivencias. Esperamos que al menos os hagan aflorar una sonrisa, y si alguien se anima a salir a patear por este pequeño-gran mundo que es nuestra querida ASTURIAS y sus alrededores seguro que no se arrepentirá. Dejarnos vuestros comentarios, sugerencias o criticas para poder así ir mejorando día a día. Un saludo.

lunes, 19 de septiembre de 2011

Reserva Natural Integral de Muniellos

MUNIELLOS

POR MAITE Y JAVIER


 
            Estamos a 19 de septiembre de 2011, primer día de nuestro segundo ciclo de vacaciones, en vísperas de San Mateo y a punto de marchar para Torremolinos, esperemos sobrevivir a esta semana tan agitada.

            Toi muy finu asín que voy cambiar de palu que alcuentrome más comodu n’esti idioma. Dempues de les compres y comer tiramos camín de Cangas de Narcea, más concretamente pa Villar de Posada, que ye onde asitiamos pa mumir, pero como vamos con tiempu acercamonos hasta’l Centru d’Interpretación que ta na carretera Moal

           
camín d’onde mañana tenemos que dir, pero como nun pue ser d’otra forma, un llunes ta cerrao, mecugun la madre que lo parió, asín que cola mesma damos media vuelta y a buscar la Casa Lago Gabriel.

    Lo meyor n’estos casos q’unu nun conoz ye preguntar a la xente de la zona, pero como son más retorcios que la leche mandenmos p’ol mediu’n pueblu que tien un ancho d’un metro, menos mal que nun atopamos a naide que si non vamos ver quien y’el guapu que dexa pasar al otru. Como tovia nun tamos muy orientaos preguntamos a otru paisanu qu’a poco nos baña con unos cuantos “lapos”, parecía un camaleón el fíu puta.

            Salivazos aparte, el paisanu dirixionos bien y atopamos el sitiu n’ensin problemes, aunque la entrá ta n’una cuesta hormigoná que ye pindia de coyones y dempues de dexar les ruedes más lises entovia de lo que taben llegamos al puntu de destinu como diz la charrana.

           
Esti ye el meyor conseju pa quien quiera dir de fin de selmana a facer la ruta, aloxaivos n'esta casa rural que ta a tiru piedra del bosque, en un sitiu perguapu, barato dormir y desayunar y muy afayaizu. Voy poner unes afotos pa que vos fagais una idea.









            Por cierto gané yo siempre, y a la oca tamien, esta NENA nun tien un pijo suerte nos xuegos, l’único que’y tocó fue el gordo, eso si que ye una gran putada.

            Dempues d’unes cuantes partides acompañaes d’un tintu veranu ponemonos ver un pocu la tele, 




pero como mañana esperamos un día de pateo interesante al ratín pensamos que lo meyor ye cenar l’ensalada que traemos, ta cojonuda, asina que nun queda ni una fuella llechuga y pa detrás un yugurín qu’hay que comer sanu.

            Antes de dir pa la cama salimos ver que nuechi queda y topámonos con un de los meyores espetaculos que se pue ver n’el cielo
      
     
            nun hay ni una nube y como tampoco hay luces que mos molesten, vense to les estrelles del firmamento, menos una que yo tengo al mió lao, que nun relluma pero que ye igual de preciosa.

L’habitación que mos toco ye la





ye muy afayaiza y tien unes vistes precioses



Les 5 habitaciones tienen el nome d’una flor típica asturiana


 y con tanta flor, unu tien que tener un cuidau especial, yo nun me quiero despistar y  pongome a curiar el xardín de la mió ESTRELLA,....., meyor será ponese a dormir que mañaña esperamos un día de pateo bonu.

            En sin damos cuenta llega mañaña, como nun podía ser de otra forma sal un día d’espatarrar aunque a les ocho la mañana fai un fríu que escoña, asín que será menester vestise. Como somos muy fisgones yá vimos venir a los paisanos a facemos el desayunu asín que lo meyor ye baxar a jamar.

            Damos bona cuenta del panín tostau con mantega, mermelá y del bizcochu, to ello regao con zumo naranxa y café. Subimos llavar los piños y con la mesma pagamos los 45 € y despedimonos de los paisanos que tan bon tratu mos dieron.

            A eso les nueve y cuartu llegamos a Moal, más concretamente al Centru de Recepción de Visitantes,


non ensin anantes llevar un sustu por culpa’l panaderu que diba mirándose la bragueta y casi s’empotra contra nós. La pista que mos desvía dende la carril ye d’hormigón y estrecha de coyones y anque nun deben circular na más que los coches que van y vienen del Centru y los paisanos que tienen algo ganao pe la zona. Nós topámonos con un to terrenu pequeñucu qu’apartose n’un recodu pa dexanos pasar muy xentilmente.

            Ente que mos aperiamos, la guarda del Centru mos pide los carneses y l’autorización y mos da unes explicaciones de lo que mos espera, cuando queremos arrincar pal monte son les diez de la mañana, dende esti mesmu momentu empieza una aventura que se mos fizo ......

Inicio y fin: Moal (Centro de Recepción de Visitantes)
Distancia: ±12'5  km (dependiendo de la variante). Circular.
Dificultad:Dependiendo de la variante, la nuestra ...
Terreno: Vereda, piedras, y sendero
Señalización: Un solo camino.

            El iniciu la ruta ta a unos 50 metros de la casa’l guarda a mano izquierda.


 Escomencipia n’un camín pindiu y empedrau pero sin nenguna dificulta, esti camín llera por onde sacaben la maera del monte, al kilometru abundante y na más pasar un puentucu que salva el regueru La Cuchada pasa a convertise en senderu



 y va tomando altura esguilando ente los árboles.



 nun te pues despistar nun segundu mirando pa otru llau que nun sea lo que ties dellantre les botes, tamos metios n'el reinu del carrascu



    
  El primer momentu de relaju que mos vamos poder permitir ye cuando llegamos a la fonte de Fuenculebras, ye un cañu de plásticu que nun echa un pijo d’agua y na que coincidimos con un matrimoniu de madrileños q’habien salío cuando nós, facemosnos unes afotos mutues, y vuelven salir como peos, nós vamos más pausaos que nun ye menester correr por esti pedreru.

            Nun hay munches oportunidaes de facer afotos, pero de vez en cuando salimos aun claru, que nun ye otra cosa qu’un pedreru, canchal o cheirón como dicen por estos lares, que mos dexa ver, pos más árboles, sobre todo xardones, anque eso si perbién colocaos tos ellos

 
            Una muestra bastante clara de per onde tamos discurriendo vese en esta afoto 


            El “camín”, por llamalu d’alguna forma, y’el pedreru de la derecha y la dificultá y el esfuerzu y ... ya se noten na cara la PRINCESONA que lleva los papos encendíos y no muy bona cara y eso que nun llevamos ni tres kilómetros andaos, pero hay dies que unu nun se atopa bien y paezme que güey ye un d'esos dies.

            Ye fácil dicir qu’el camín ye pindiu, que tien munches piedres, q’en d’elles partes ties que dir garrau a una lluria que ta puesta na paré y qu’en d’elles otres nun sabes per onde dir, pero cuando tas n’el terrenu cagándote en so puta madre, por no sabemos que, más cansaos que la chaqueta un guardia, con un calor de la hostia, ensin munchu agua y hasta los coyones, la gracia nun ye muncha y reflexase na cara. Yá tamos metíos hasta’l pescuezu n’aventura asín q’hai que tirar pa llantre.
   
 

  Pocu dempués facemos otra parauca pa comer una bananuca y beber un pocu d’agua, a estes altures los que diben como peos agora güelen los nuesos, nós somos diesel y claro vamos comiéndollos la moral a tou dios y eso que la nuestra ya ta tamien un pocu toca.

     Unos cuantos kilómetros de penuries, de tirar p’ol culo por un puñau de piedres como si fuésemos cabres, decidimos sentanos comer, ya tamos hasta los pelos (quien los tenga) asín que lo meyor será reponer fuerces. Pero como a perru flacu to son pulgues, a nosotros empiecen a picamos cuando mos damos cuenta que les rebanaes d’hogaza q’habíamos preparao con tantu esmeru la nuechi anterior quedaronmos n’el coche. Yo nun tengo fame asín que conformome con un migayu chocolate, pero la MOROCHINA si la tien y ponese a comer quesu, chorizu y xamón ensin pan nun presta y p’anriba ya nun tenemos gota d’agua, asín q’el panorama ye como pa ponese a mexar y nun char gota.
  
      Picotiamos algo, porqué lo que ficimos nun se pue llamar comer, garramos camín de les “putes” llagunes que ya nun puen tar lejos. Al pocu topamos a dos moces sentaes en mediu’l pasu preparando’l bocaillu y que mos pregunten a que distancia t’al desviu, lluego enteriamosnos que lleren bióloges, mira tu que coincidencia como l’Ana Obregón (la madre que lo parió ya toi desvariando).

            Pasamos l´últimu de los cheirones, que mos dexen ver un pocu del bosque que mos arrodia


y por fin apaez dellantre nueso’l desviu de Piélagos, ente una tontura y otra tamos a 1300 metros d’altura y agora planteasemos el dilema de si tirar el kilómetru que mos queda pa llegar a les llagunes o garrar el camín que mos baxa p’al coche. Decidimos sentanos un pocu a deliberar, y como onde asitiamos baxa un regueru d’agua enllenamos la botella y volvemos sacar el quesu y el xamón a ver si se pue facer algo d’ellos, vas ver la cagalera que mos va a dar esti agua que dios sabe onde vendrá, suponemos que de les llagunes porque ta fríu como su madre. Yo aprovecho pa llavame un pocu porque la sudá que llevo ye de coyón de micu, mudo la camiseta y quedo como nuevu.

Col estomagu enllenu, fartucos d’agua y llavaos, tomamos la decisión de tirar p’al coche, ya que una pareja que vienen d’abaxu comentamos q’entovia mos queden unos pocos kilómetros

Dende equí hasta llegar a Tablizas empieza un calvario, les piedres, el cansancio y sobre to la crispación xeneral atropá polos kilómetros facen qu’un dolor de cabeza, cuello, cervicales y hasta de los pelos del culu, acaben coles poques reserves de moral que mos quedaben.

La baxada ye un constante cambiar de llau del regueru La Candanosa po los munchos pontes que vamos tener que cruciar, tamos arrodiaos d’abedules, xardones y carbayos, y por alguna cascaduca que ye lo poco que les últimes fuerces que mos queden dexenmos apreciar.



            En más d’una ocasión tenemos que paranos y  lo d’arrincar cada vez se mos fai más complicao. Así a 



, ya podien ser estos  los que caminasen, llegamos al puente que da pasu al últimu kilómetru, casi mos cuesta llagrimes poder llegar al final (un día malu tienlu cualquiera y a nos tocomos esti).

Esti últimu tramu ta tou entarimau pa la xente que tien movilidá reducía ó que ta ciega ya que los paneles q’expliquen lo que mos arrodia tan fechos en Braille

           
Llegar al Centru de Recepción de Visitantes y ver el choche, nunca mos resultó un aliviu tan grande, solo mos queda averanos a avisar que ya tamos equi, pero nun atopamos a nadie. Dexamos una pequeña leyenda n’el llibru visites y salimos p’al coche .

Un mal día lo pue tenelu cualquiera y el nuesu tocomos hoy, pero tenemos claro que

SI EN EL TRAYECTO DEL CAMINO

RESBALAS O CAES, 

NO TE PREOCUPES,

SACÚDETE Y CONTINUA TU CAMINO.

AHORA YA SABES POR DONDE

NO DEBES VOLVER A PISAR.