Calendario de la güerta n'Asturies

Colos años foinos que tamos viviendo, y que nos queden por vivir, hai qu'aprovechar el pequeñu trozu de güerta o la terraza con xunes macetes onde llantar un pocu cebolla, llechugues, tomates..., espero que vos sía d'utilidá y ollistis si teneis muncha collecha acordabos del que vos avezo

A lo llargo de too l'añu pueden cultivase: acelgues, berces, llechugues, ayu puerru y repollos.

INVIERNU

XINERU
Semar nel güertu: ayos (a primeros de mes), arbeyos, espinaques, fabes de mayu y pataques tempranes, cebolletes. Tamien pue yantase una cebolla pa sacar grana cebollin.

Collechar: acelgues,ayu puerru, berces, coles de Bruxeles, escaroles, espinaques, llechugues, nabos, remolaches, repollos y cenahories.

FEBRERU
Semilleru: ayu puerru, coliflores, pimientos y tomates.

Semar nel güertu: arbeyos, espinaques, pataques tempranes, cebolletes.

Collechar: acelgues, ayu puerru, berces, coles de Bruxeles, escaroles, espinaques, llechugues, nabos, remolaches y repollos.

MARZU
Semilleru: ayu puerru , berenxenes, brócoli, coliflores, pimientos, repollos y tomates.

Semar nel güertu: arbeyos, espinaques, pataques, rabanitos, remolaches,
cenahories,cebolles y pataques.

Collechar: acelgues, ayu puerru, berces, brócoli, coles de Bruxeles, coliflores, escaroles, espinaques, llechugues, nabos, remolaches y repollos.

PRIMAVERA

ABRIL
Semilleru: berenxenes, brócoli, coles de Bruxeles, coliflores y repollos.

Semar nel güertu: calabaces, calabacinos, pataques, pepinos, rabanitos, remolaches y cenahories. A finales de mes: fabes, fréxoles, maíz,  alcachofes, cebolles, coliflores, pimientos, repollos y tomates.

 Collechar: alcachofes, arbeyos, acelgues, ayu puerru, berces, brócoli, cebolletes, coliflores, escarolas, espinaques, fabes de mayu , llechugues, rabanitos y repollos.

MAYU
Semilleru: brócoli, col de Bruxeles, coliflor y repollu,

 Semar nel güertu: calabaces, calabacinos, fabes, fréxoles, maíz, pepinos, rabanitos, remolaches, cenahories, alcachofes, brócoli, coliflores, pimiento, repollos
y tomates.

Collechar: alcachofes, acelgues, arbeyos, ayu puerru, berces, brócoli, cebolletes, coliflores, espinaques, fabes de mayu, llechugues, pataques
tempranes, rabanitos y repollos.

XUNU
Semilleru: brócoli, coliflores y repollos.

Semar nel güertu: calabaza, calabacín, fabes, fréxoles, pataques tardíes, pepinos, rabanitos, remolaches y cenahories, brócoli, coliflores, y repollos.

Collechar: ayos, acelgues, alcachofes, arbeyos, ayu puerru, calabacinos, berces, brócoli, cebolletes, espinaques, fabes de mayu, fréxoles, llechugues, pataques
tempranes, rabanitos, repollos y cenahories.

BRANU

XUNETU
Semilleru: berces, brócoli, cebolletes, coliflores y escarolas.

Semar nel güertu: fréxoles, nabos, pataques tardíes, rabanitos y cenahories, ayu puerru, brócoli, coliflores, coles de Bruxeles, remolaches y repollos.

Collechar: ayos, acelgues, alcachofes, ayu puerru, arbeyos, calabacinos, berces, brócoli, coliflores, espinaques, fabes de mayu , fréxoles, llechugues, pepinos, pimientos, rabanitos, remolaches, repollos, tomates
y cenahories.

AGOSTU
Semilleru: brócoli, escaroles , cebolletes, coliflores y repollos.

Semar nel güertu: espinaques, fréxoles (a primeros de mes), nabos, rabanitos y cenahories.
ayu puerru, brócoli, coliflores, coles de Bruxeles, escarolas y berces.

Collechar: acelgues, arbeyos, ayu puerru, berces, berenxenes, calabacinos, brócoli, coliflores, fabes, fréxoles, llechugues, pepinos, pimientos, rabanitos, remolaches, repollos, tomates
y cenahories.

SETIEMBRE
Semilleru: brócoli, cebolles, cebolletes y escarolas.

Semar nel güertu: espinaques, fabes de mayu, nabos, rabanitos y cenahories, brócoli, coliflores y escaroles.

Collechar: acelgues, ayu puerru, berces, berenxenes, calabacinos, calabaces, brócoli, coliflores, fabes, fréxoles, llechugues, pataques, pepinos, pimientos, rabanitos, remolaches, repollos, tomates y cenahories.

SERONDA

OCHOBRE
Semulleru: cebolles y escarolas.

Semar nel güertu: arbeyos, espinaques y fabes de mayu, brócoli, cebolletes, y escarola.

Collechar: acelgues, ayu puerru, berces, berenxenes, calabacinos, calabaces, brócoli, coliflores, escaroles, fabes, fréxoles, llechugues, maíz, pataques tardíes, pepinos, pimientos, rabanitos, remolaches, repollos, tomates y cenahories.

PAYARES
Semar nel güertu: ayos, arbeyos, espinaques y fabes de mayu, brócoli, cebolletes y escaroles.

Collechar: acelgues, ayu puerru, berces, brócoli, coles de Bruxeles, coliflores, escaroles, espinaques, llechugues, maíz, nabos, pimientos, remolaches, repollos
y cenahories.

AVIENTU
Semar nel güertu: ayos, arbeyos, espinaques y fabes de mayu.

Llantar nel güertu: cebolletes y escaroles, acelgues, ayu puerru, berces, coles de Bruxeles, coliflores, escaroles, espinaques, llechugues, nabos, remolaches, repollos
y cenahories.

Y YA SABÉIS, 
DIOS PUEDE MUNCHU 
PERO PUEDE MÁS EL CUCHU.

Lago del Valle

RUTA AL LAGO DEL VALLE

POR MAITE Y JAVIER

Sabado 13 de octubre de 2012, ya recuperaos de la fartura de la nuechi anterior, escomencipiamos el día madrugando, a eso les nueve ya tamos en pie y preparando los bartulos.

Lo primero ye baxar a desayunar que nun se pue dir a caminar con el estomagu vaciu, asi que primera visita al comedor, onde Naciu diligentemente mos pon una xarra zumo, unes tostaes con mantega y mermelá y un cafetín con llechi que mos sabe a gloria.

Una llavada de piños, y con un día d'espatarrar arrincamos camín del barriu de L'Auteiro en onde escomencipia la nuesa ruta d'hoy.

Inicio y fin: Barrio de L'Auteiro

Distancia: ±12 km ida y vuelta

Dificultad: Baja (ojo los días de mucho sol en el tramo de pista)

Terreno: Pista (con tramos de hormigón) y sendero

Señalización: Buena

Nos, escomencipiamos la ruta a eso les diez y cuartu, ablucaos por to lo que mos arrodia a derecha e izquierda, y qu'ente la niebla de la mañana tobía impresiona más

Este primera parte del camín ye muy llevaera, pero de pronto empiecen a apaecer unos repechones pindios de cojones que dexen a un les pates calentuques, menos mal qu'ente tantu repechón alcontramos lliteratura p'al espiritu

Nos, foriatos d'estes tierres, desconocemos quien ye Fernándo pero en t'ol contenidu de les sos llinies tamos d'acuerdu.

D'empués d'esta paradina, continuamos pel camín que tobia tién que deparanos sorpreses, como la qu'en un de los pocos llanos que tién la ruta atopamos un teitu pequenucu que mos val pa tomar un sorbu d'agua y facer unes afotos

N'estes tabamos cuando mos percatamos de lo que mos queda per dellantre

Aquellos dos repechones que se ven facen que les pates se pongan a funcionar al instante, pero como se suel decir piano, piano, llegaremos al Lago (patetico, pero que vamos facer)

Cuando sí que dimos pata fue cuando enllegamos a la finca de Quico y A.Lana

Mos, nun vimos a Brinco, pero por si les mosques tampoco mos dió por facer el Usain Bolt nun fuese que apaeciese per cualquier rincón y cagate lorito...

Ya tamos llegando, o así lo creemos por lo cerca que se mos pon el regatu que baxa d'el llagu

y de la cascadina que se forma cuando después del últimu repechu llegamos al aliviaderu 

Ya tamos arriba, cansaos porque fai un día d'espatarrar pero ablucaos por el espectaculo que contemplen los nuesos güellos

Tras les afotos pertinentes y a en vista de que se está enllenando de xente, mos garramos la mochila y emprendemos camín pa arrodiar el llagu y como cabres que semos facemos el siguiente descensu

el día que nun fagamos alguna de les nuestres... bueno esi día taremos na caja pino.

Pero como too tien la so recompensa, estes son algunes de les semeyes que fizimos mientres arrodiabamos el llagu

Dempues de tanto esguilar, arrodiar y asemeyar, entramos una fame de llobu y como la mochila ta repleta coses riques, lo que se mos pon nos morros ye sentanos a comer, y damos cuenta d'un pocu quesu oveya que mos sobró d'ayer, de la empaná de datiles, panceta, pollu y quesu cabra, d'un pocu chocolate y como ta too qu'escoña aparecen sobre les nuestres cabeces unos visitantes na bienvenidos pero gratos de ver

nun se ven muy bien pero lleren por lo menos diez o doce buitres, ¿goleríen la empaná?, salvaron que nun baxaron porque faciemos con ellos un buitre-pitu caleya-montaña de tres pares de coyones, gsssss.

Con la panza llena, nun mos queda otra cosa que coller el camín de vuelta, aunque mos queriemos baxar por el falleu, lo primero pa ello ye atopar el camín, y claro que te vas creer tú que lu vamos topar a la primera. Vueltuca per dellantr’el muro de contención, nun ye per equí, garramos unes roderes y salimos a una camperína, pero coño el camín ta pal otru llau y ente nos y él hay una baxada bona, un ríu y una subida de so madre, pues que vamos facer a sacar la pezuña cabra otra vez y tira milles. El día qu’el “TonTon” nuestru mos lleve p’el camín bonu nun vamos creelo.

Una vez ya n’el buen camín y to cuesta p’abaxo, nun aparamos de atopar xente que sube gufando como xabalines y preguntando si queda muncho pa llegar al llagu, y pa rematar la faena unos con un guaje, carricoche y la madre de su madre por un pedreru que solo anden cabres y chiflaos como nos, po lo visto un paisano dixiollos que diben meyor per esti camín, p’habelu matao.

Pero como nunca chovió que nun parase, chegamos al últimu tramu que ya se convierte en pista más ancha y con roderes d'algun too terrenu

A estes altures ya les patuques tan un pocu perjudicaes, vamos faciendo paraduques aliviaores y aprovechamos pa asemeyar lo que mos arrodia a derecha e izquierda

El tramu que más mos costó facer fue una vez qu’enganchamos con la pista por la que fuimos por la mañaña, paez curtíu pero a nos fízosenos muy llargu, nun sé si ye que ya nun dabemos más de sí o que teníemos tamien gana chegar pa tomar el café. Por cierto n’el primer bar que aparamos, el chigreru que tenia el bar atacau (dos, na barra) y el muy ... nun daba abastu, arrincamos al menutu porque con la contestacion que me dió al pedir dos cafés y digo bien solo pedir (debia de tener memoria de pez, su p.m.)  na más dar media vuelta y veme la cara  la NENA sugirióme marchar porque sabe que con pijades como estes no trago y diba acabar diciendoi alguna al BARMAN, en definitiva acabamos tomando el café n’el bar La Corona del Auteiro

 tamien tuvimos fisgando la carta, pero facia un calorón n’el comedor que ya nos taba chando pa tras el dir cenar, así qu’el cafetín tomamoslu na terracina que tien fecha de piedra col acompañamiento del lladrar d’un perrucu, al que s’acercó la PULGOSINA, pero aún siendo de la misma “especie”, lladroi, gssssss.

Dempues del cafetín, lo que mos apetecía llera dir a descansar un pocu y a mumir la siesta pa poder ver la película de po la nuechi, “Venganza”, 

asín que duchina y a descansar.

Tras el descansu “reparador” baxamos a tomar un refrigerio y a charlotear un poco con Naciu, la PRICESINA  ponse a tomar unes afotos panorámiques del hotel y el entorno, y ente ella y el otru monten un pifostio que dio como resultao esto

Braña de Sousas

RUTA DE LA BRAÑA DE SOUSAS

POR MAITE Y JAVIER

Vienres 12 d'ochobre de 2012, Fiesta Nacional d'España y, cola que ta cayendo, el desfile militar que nun falte, total son ochocientos mil euros de nada que quitando la paga extra que mos queda, xubiéndonos a 24 hores al día'l trabayu y dexando de cobrar unos meses al añu, amortizase nun pis pas, bonu va ser meyor dexalo porque unu calezse y pa que faese mala sangre.

Nós tenemos como oxetivu "desfilar" peles precioses tierres de Somiedu, más concretamente pela zona de Valle del Llagu, el nuesu cuartel xeneral ta nel Hotel Rural Somiedo, encamientu del mio cuñáu Carlos y esperamos que "los camastros, les letrines y el ranchu" sían bonos.

Recibemos Mari, un pocu al aviesu pos ye bien prontu, deseguida apaez Naciu y ente los cuatro entamamos a falar un ratu de lo humano y lo divino, así ye q'ente que damos un pocu la llingua, vemos l'habitación, camudamos y decidimos que ruta vamos faer esa mañana, pos danmos les once y picu, pero como'l día promete nun tenemos priesa. 

Empecipiamos la ruta a les once y media per un camin que sal del mesmu Valle, n'el barriu La Caleya y q'una vez que cruiciamos el riu ponmos a la vera l'iglesia

Inicio y fin: Barrio de La Caleya

Distancia: ±6 km ida y vuelta

Dificultad: Baja 

Terreno: Pista (en nuestro caso con mucho barro y charcos)

Señalización: Buena

El paisaje que mos arrodia nun tien desperdiciu

Pero tovía mos tien reservaes unes cuantes semeyes perguapes, como les de Pena Furada con parte del Valle a los sus pies

Al principiu el camin va encaxonau ente muries que separen les veges onde pasten tranquilamente vaques y caballos, aunque a un poquiñin p'arriba lo que mos arrodia son los ablanos, castaños, carbayos y fayes, sobre todo estes últimes ya tan dando un coloriu preciosu al entornu

Con tantu que ver y en sin damos cuenta casi tamos ya na braña, aunque primero atopamos una cascadina 

que mos dexa'l pie d'un circu glaciar

 y arrodiaos de montes de más de 1800 metros como y'el casu del altu 'l Muñon (1863)

 o el Pena Llana (2103)

                                                             

 al fin llegamos a la braña

Brañes como la de Sousas surxen en Somiedu como forma d'esplotar camperes d'altura aplicables namás nel periodu branizu. La braña respuende al modelu tipolóxicu más antiguu, formáu por corros, cabanes de planta circular construyíes en delles filaes de piedra, que rematen nuna falsa cúpula de lloses, darréu recubierta de tapinos, qu'ameyoren l'aislamientu térmicu q' impermeabilizen la construcción. L'aislamientu completase con una casi total ausencia de vanos, la puerta d'entrada y un minúsculu ventanuco constitúin la única ventilación.

Xeneralmente arrexuntabense por parexes, sirviendo una d'abelugu al brañeiro y destinándose la otra al ganáu.

HEIDI Y PABLO

Col bon día que facía, no se mos ocurrió mellor cosa que ponemos a comer al sol, asín que cecina y quesu d'oveya en bocata y un pocu chocolatín, a la espera de tomar un cafetacu  en baxando.

la verdá ye que la ruta fizosenos muy afayaiza, a nun ser por la fartura barru que teniamos nes botes y el pantalón, y entobia baxando paramonos a falagar a unos caballucos que taben amarraos, pensamos que lleren los que usen pa les rutes

Como llos pasa a los pollinos cuando van cargaos, que cuerren que se maten pa llegar prontu pa que los descarguen, a mos pareciomos que llegamos en na otra vez a baxu, asin que ficimos la llavor de paramos a la vera'l ríu pa fregar un pocu les botes porque sinon diba matanos Mary con la fartura barrru que cargabamos

esti recodu foi'l nuesu llavaeru.

El café tomamoslu en compañia de Naciu, còl qu'entamamos conversación rapidamente y asín aprovechamos pa folgar les patuques antes de dir a damos una ducha y salir otru pocu a dar unes vueltuques por los distintos barrios del pueblu.

Primero baxamos hasta el barriu de Ribaluenga a echar una guella a la llaguna. Dempues dibamos a esguilar hasta el de L'Auteiro pero pensemoslo mellor y quedamos dando un garbeu pol de La Quintana pa llueu baxar otra vez a la Caleya y echai una guella a la cartuca del Hotel Valle del Lago, onde al fin aposentamos pa cenar

Equí atendiomos Begoña, de la que non podemos dicir más que bones pallabres, ofreciomos una variedá de platos que se mos facia la boca enagua, pero como nun somos muy esixentes conformamonos con unos escalopines al cabrales pa la princesa y un platu patates, güevos y chorizo pal gochón, to ello regaino con unos culinos de sidra y pa rematalo unos postres variaos (arroz con llechi, tarta quesu, mouse de llimón y flan) to pa chupase los deos, asín que quien tenga interés en comer comida casera, nun ambiente prestosu y tranquilo, ya sabe onde tien que venir y enriba la xente ye de lo más amable, un 10 pa Begoña y José Antonio.

Con la panza enllena y el espiritu tranquilu vamos ver si encamamos un pocu que mañaña toca volver a dar patuca y habra que madrugar.

Que maravilloso es ese fugaz instante 
en el que nos damos cuenta 
de que hemos descubierto 
un amigo.